एमसीसीविरुद्ध विप्लवको काठमाडौंमा शक्ति प्रदर्शन

Long Default Ad 1200x105

काठमाडौं, २८ भदौं । अमेरिकी सहयोग परियोजना, मिलेनियम च्यालेञ्ज कर्पोरेशन (एमसीसी) विरुद्ध नेत्रविक्रम चन्द नेतृत्वको नेपाल कम्युनिष्ट पार्टीले काठमाडौंमा विरोध प्रदर्शन गरेको छ ।

काठमाडौंको त्रिपुरेश्वर, लैनचौर र बबरमहललगायत स्थानबाट जुलुस निकाल्दै नेकपाले एमसीसी खारेजीको माग गर्दै प्रदर्शन गरेको हो । प्रदर्शनका सहभागिले ‘राष्ट्रघाती एमसीसी परियोजना खारेज गरौँ, राष्ट्रिय सार्वभौमिकताको रक्षा गरौं’ जस्ता नारा लगाएका थिए । कार्यक्रमलाई महासचिव चन्दलगायतका नेताले सम्बोधन गरेका छन् ।

चन्द नेतृत्वको नेकपासहितका केहीले एमसीसीको विरोध गरिरहेका छन् । नेपालमा विरोध बढ्दै गइरहेका बेला एमसीसी उपाध्यक्ष फातिमा सुमारसहितको नेतृत्वको टोली चार दिने नेपाल भ्रमण सकाएर स्वदेश फर्केको छ । त्यसक्रममा टोलीले प्रधानमन्त्री शेरबहादुर देउवा, प्रमुख विपक्षी दलका नेता केपी ओलीलगायत प्रमुख दलका नेताहरूसँग भेट गरेको थियो ।

सुमारले एमसीसीबारे जे निर्णय लिने हो लिन आग्रह गर्दै अब धेरै ढिलो नगर्न सुझाव दिएकी थिइन् । विकास परियोजनालाई राजनीतिभन्दा अलग राख्नुपर्ने पनि सुमारको भनाइ थियो । एमसीसी सैन्य गठबन्धन वा त्यस्ता परियोजना नभएको र नेपालको संविधानभन्दा माथि रहेको भन्ने हल्ला सत्य नभएको जवाफ पनि अमेरिकाले प्रष्ट पारिसकेको छ ।

Long Default Ad 1200x105

प्रकाशित मिति: साेमबार २८ भाद्र २०७८ १०:४९:२१ बजे


Side Ad
Long Default Ad 1200x105
ekata james
Side Ad
premier steel
venus college
bangaladesh bank
Side Ad
Long Default Ad 1200x105
premier steel